أوروك

الكاشير اللي ما يوگف وية الإنترنت

برنامج بيع كامل يشتغل بجهاز محلك — بيع، مخزون، ديون، صندوق، وحسابات. النت لو انقطع، المحل يبيع مثل ما هو. تدفعه مرة وحدة، ويبقى إلك.

شوف الشاشات ↓ السعر

لقطات من البرنامج · أرقام تجريبية

شنو راح تشوفه كل يوم

شاشة البيع: سلة فيها خمس مواد وعرض مطبّق، والصافي ٣٬٢٥٠ دينار — **شاشة البيع** سكانر، أزرار سريعة، عروض تنحسب لحالها، وتسديد بضغطة وحدة

لوحة المحل: مبيعات اليوم ٩٣٩٬٧٥٠ وربح ١٨٥٬٩٣٠ — **لوحة صاحب المحل** مبيعات اليوم، الربح، الديون، والصندوق — بشاشة وحدة

شاشة التقارير: مبيعات، أرباح، مخزون، ومقارنة بالفترة السابقة — **التقارير** أكثر المواد مبيعاً، صافي الربح، النواقص، والطلبية المقترحة

شاشة المصاريف: مجموع ١٢٥٬٠٠٠ مقسّم على الأنواع — **مصاريف المحل** الإيجار والكهرباء والرواتب تنطرح من الربح — مو ربح على الورك

الشاشة الرئيسية: مربّعات الشاشات مقسّمة على مجموعات — **الشاشة الرئيسية** كل موظف يشوف اللي مسموح إله وبس

شنو بيه

كل شي يحتاجه المحل، بمكان واحد

يشتغل بلا إنترنت

البرنامج وقاعدة بياناته بجهاز محلك. انقطاع النت ما يوگف ولا بيعة.

جهازين بالمحل

كاشيران على نفس البيانات بشبكة المحل. الثاني يشوف مبيعات الأول لحظة بلحظة.

عربي كامل

كل الشاشات والوصولات بالعربي، وطباعة على طابعة حرارية بلا تعريفات ويندوز.

الديون والزبائن

كشف حساب لكل زبون، سقف دين، وتسديدات — بدل الدفتر.

الربح الصافي

الإيجار والكهرباء والرواتب والتالف كلها تنطرح. الرقم اللي يطلع هو ربحك الحقيقي.

باركود ولواصق

المواد اللي بلا باركود يتولّد إلها واحد، وتنطبع لواصق أسعار بثلاث مقاسات.

استيراد كتلوغك

ملف الإكسل من نظامك القديم ينقرا ويندخل — بلا ما تعيد إدخال آلاف المواد بالإيد.

نسخ احتياطي مفحوص

نسخة يومية مشفّرة، وكل نسخة تنرجّع بقاعدة تجريبية حتى نتأكد إنها تنفع فعلاً.

تطبيق تلفون

تشوف محلك من أي مكان: مبيعات اليوم، الديون، التقارير. قراءة وبس — التلفون ما يبيع.

مساعد ذكي

يقرا وصل المورّد بالصورة ويعبّي الشراء، ويجاوب على أسئلتك بأرقام محلك. اشتراك منفصل.

السعر

تدفع مرة وحدة

$1,250

للمحل الواحد · شراء نهائي

بلا اشتراك شهري. ما بيه رخصة تنتهي، وما بيه شي يوگف البيع.
التنصيب علينا. نجي للمحل، ننصّب، ندخّل كتلوغك، وندرّب موظفينك.
التحديثات مجاناً. كل ميزة جديدة توصلك بلا كلفة.
جهازان. السعر يشمل كاشيرين بنفس المحل.
المساعد الذكي اشتراك شهري منفصل — اختياري بالكامل، والبرنامج كامل بدونه.

Orvyn

منّو إحنا

شركة عراقية تبني أنظمة للمحلات. بدينا بكاشير محل واحد، وانبنى البرنامج جوّا المحل مو بمكتب: كل ميزة بيه طلعت من مشكلة صارت فعلاً على الكاونتر. اليوم أوروك ينباع لمحلات ثانية، وإحنا اللي ننصّبه ونشيله وندعمه.

تحچي وياه شخصياً

شوفه قبل ما تشتريه

نوريك البرنامج على جهازك أو بمحلك، وتسأل اللي تريده. بلا التزام وبلا كلفة.

واتساب